Azərbaycanda sabaha olan hava proqnozu açıqlanıb.

Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Departamenti məlumat verib.

Martın 25-də Bakı və Abşeron yarımadasında havanın əsasən yağmursuz keçəcəyi, bəzi yerlərdə zəif duman, çiskin olacağı bildirilir.

Yarımadada 6-9, gündüz 9-11, Bakıda gecə 6-8, gündüz 9-11 dərəcə isti olacaq.

Azərbaycanın bəzi rayonlarında isə şimşək çaxacağı, arabir yağış yağacağı gözlənir. Yağıntının ayrı-ayrı yerlərdə intensiv olacağı, dolu düşəcəyi, dağlıq ərazilərdə qar yağacağı ehtimal edilir.

Gecə 4-9, gündüz 13-18, dağlarda gecə 0-5, gündüz 7-11 dərəcə isti olacağı təxmin edilir.