Martın 1-də Bakı və Abşeron yarımadasında havanın arabir tutulacağı, bəzi yerlərdə duman, çiskin olacağı bildirilir.

Ekologiya və Təbii Sərvətlər Nazirliyi Milli Hidrometeorologiya Departamentinin xəbərinə görə, Abşeronda gecə 4-6, gündüz 7-10, Bakıda gecə 4-6, gündüz 8-10 dərəcə isti olacaq.

Martın 1-də Azərbaycanın rayonlarında da havanın, əsasən, yağmursuz keçəcəyi, lakin gecə və axşam bəzi dağlıq ərazilərdə yağıntı olacağı vurğulanır. Gecə 0-5, gündüz 8-13 dərəcə isti, dağlarda gecə 0-5 dərəcə şaxta, gündüz 3-7 dərəcə isti təxmin edilir.