BMT-nin yanvarın 22-də açıqladığı hesabatda bildirilir ki, 2013-cü ildən bəri 15 sülhyaratma missiyasında 135 BMT əsgəri, polisi və mülki əməkdaşı öldürülüb ki, bu da "beşillik bir dövr üçün ən böyük itki sayılır”.

Ən çox itki Mali, Cənubi Sudan və Mərkəzi Afrika Respublikasında baş verib.

Hesabata görə, itki sayında artım BMT bayrağının daha "təbii qoruma” təmin etməməsiylə bağlıdır.

Hesabatda BMT rəhbərliyi və quruma üzv ölkələr də tənqid olunur, bir çox rəsmilərin hələ də gücdən istifadəyə könülsüz yanaşdığı bildirilir.

"Hərbçilər və rəhbərlik tədbir görəndə itki də nadir hallarda baş verir. BMT daha çox fəaliyyətsizliyinə görə hücuma məruz qalır”, – hesabatda vurğulanır.