Rusiyanın Hərbi Hava Desant Qüvvələrinin komandanı general-polkovnik Andrey Serdyukov-un da olduğu yol nəqliyyat hadisəsi baş verib.

Abzas.net xəbər verir ki, bu barədə sosial şəbəkələrdə qəzanın videosu yayılıb. Qəza Murmansk vilayətinin 1420-ci kilometrliyində baş verib.

İlkin məlumatlara görə, "Chevrolet Lanos"-un sürücüsü idarəetməni itirərək qarşıdan gələn və general-polkovnikin də içində olduğu hərbi kolondan "Volkswagen Caravelle" mikroavtobusuna çırpılıb.

Xəsarət alanlar xəstəxanaya yerləşdirilib. Serdyukov-un həyatına heç bir təhlükənin olmadığı bildirilir.

Sosial şəbəkələrdə "Chevrolet"-in sürücüsünün həlak olduğu bildirilir. Lakin hələlik bu barədə rəsmi məlumat yoxdur.