"Forbes" jurnalı dünyanın ən varlı adamlarının yeni siyahısını təqdim edib.

Abzas.net xəbər verir ki, bu siyahıya son bir ayda Bill Gates-i qabağlayan Amancio Ortega başçılıq edir.

Amancio Orteqa, "Zara" dükanlar şəbəkəsinin də daxil olduğu ispaniiyanın "İnditex" şirkətinin həmtəsisçisidir.

"Forbes"-in versiyasına görə, o, "Microsoft"-un yaradıcısı Bill Gates-i qabağlayaraq siyahıda birinci yerə yüksəlib.

Jurnalın məlumatına görə, hal-hazırda Ortega-nın ümumi sərvəti 85 milyard dollardı, Bill Gates-də isə bu rəqəm 84.9 milyard dollardı.

Ortega bunadək də bu siyahıya rəhbərlik edib. Bu 2015-ci ilin oktyabrında baş verib, lakin heç 24 saat keçməmiş, o, yerini Bill Gates-ə təhvil verib.

Mart ayında, keçən ilin yekunlarına dair məlumatda, "Forbes" bildirirdi ki, dünyanın ən varlı adamlarının ilk üçlüyünə Gates-dən başqa "Berkshire Hathaway" şirkətinin rəhbəri Warren Buffett (75,6 milyard dollar) və "Amazon.com" saytının yaradıcısı Jeff Bezos (72,8 milyard dollar) daxil olub.

Həmin zaman Ortega 71.3 milyard dollarla siyahıda 4-cü yerdə qərarlaşmışdı. İlk beşliyi 56 milyard dollar sərvətlə "Facebook"-un yaradıcısı Mark Zuckerberg tamamlayırdı.