Suriyada kürd və ərəb döyüşçülərdən ibarət "Suriya Demokratik Qüvvələri" İŞİD terror təşkilatının Rakka şəhərinin tarixi hissəsindəki müdafiə mövqelərini yarıb. APA-nın “Reuters”ə istinadən verdiyi xəbərə görə, ABŞ-ın rəhbərlik etdiyi koalisiyanın havadan fəal dəstəyi sayəsində terrorçuların mövqelərini yarmaq mümkün olub. Koalisiya təyyarələri qədim Rafik divarlarına 2 aviazərbə endirib. Bu isə SDQ-nin İŞİD mövqelərinə hücumuna əlverişli imkan yaradıb. Qeyd edək ki, İŞİD-in qeyri-rəsmi paytaxtı olan Rakkanın azad edilməsi uğurunda döyüşlər iyundan aparılır.