"Bu il ali təhsil müəssisələrinin magistraturasına sənəd verənlərin sayı ötən ilə nisbətən 46 faiz azalsa da, qəbul olunanların sayı 34 faiz artıb". Abzas.net xəbər verir ki, bu barədə təhsil naziri Mikayıl Cabbarov AMEA-nın ilk magistrlərinin Məzun günündə məlumat verib. Nazir bildirib ki, bu da ali təhsildə keyfiyyətinin yaxşılaşdırılması istiqamətində görülən tədbirlərin göstəricisidir və gələcəkdə elmi bazanın inkişafı üçün yaxşı zəmindir.