İsveç prokurorluğu Wikileaks saytının banisinə qarşı zorlama ittihamı ilə bağlı iş üzrə istintaqı dayandırıb.

Julian Assange ittihamları siyasi motivli adlandırıb.

"Prokuror Marianne Ny zorlamada ittiham olunan Julian Assange-ın işilə bağlı ibtidai istintaqın dayandırılması barədə qərar qəbul edib", - rəsmi açıqlamada deyilir.

Marianne Ny deyib ki, əgər cənab Assange 2020-ci ilin avqust ayınadək İsveçə gələrsə ona qarşı cinayəti işi yenidən açıla bilər.

Wikileaks saytının banisi 2012-ci ildə İsveç prokurorluğunun sorğusu əsasında Britaniyada həbs olunub.

Bundan sonra zaminə çıxan Julian Assange Ekvador səfirliyində sığınacaq tapıb.

Onun barəsində Britaniyanın çıxardığı həbs orderi hələ də qüvvədə qalır.