İranda keçirilən prezident seçkilərində Həsən Ruhani ikinci dəfə preidentlik postuna oturmaq üçün qələbə qazanıb.

Abzas.net APA-ya istinadən xəbər verir ki, ilkin nəticələrə görə, hazırkı prezident Həsən Ruhani 22 milyon 796 min 468 səslə öndədir.

Onun əsas rəqibi, mühafizəkarların namizədi İbrahim Rəisi 15 milyon 796 min 468 səslə ikinci yerdədir.

Digər namizədlər Mustafa Mirsəlim 455 min 211 səs, Mustafa Haşimitəba 210 min 597 səs toplaya bilib.

İranın Seçkilər Qərargahının sədri Əli Əsğər Əhmədi  bildirib ki, seçkilərin nəticəsi məlumdur, lakin qanuna görə günorta saat 14.00-dək gözləmək lazımdır. O deyib ki, səsvermədə seçici hüququ olanların 70 faizi iştirak edib.

Rəsmi nəticə saat 14.00-da elan olunacaq. İran prezidentinin birinci müavini İshaq Cahangiri əhalinin səsvermədə aktiv iştirakına və əksəriyyətin Həsən Ruhaniyə səs verməsinə görə xalqa təşəkkür edib.