Xocalı soyqırımının 25-ci ildönümü münasibətilə Bakıda yürüş keçirilib. İqtidar Azadlıq Meydanından Xocalı abidəsinə qədər yürüş edib, müxalifət isə Xətai metrosunun yanında toplaşaraq faciə qurbanlarını anıb. 

Abzas.net xəbər verir ki, Bakı Dəniz Vağzalının qarşısından başlayan yürüş "Xocalı" abidəsinin önündə bitib.

Yürüşdə prezidenti İlham Əliyev, birinci vitse-prezident Mehriban Əliyeva, hökumət və dövlət rəsmiləri iştirak ediblər.

Müxalifət təşkilatlarından isə Milli Şura, AXCP, Müsavat, ReAl və NİDA "Ana harayı" abidəsini ziyarət edərək anımda iştirak ediblər.