Bakı Nəqliyyat Agentliyi (BNA) bayram günlərində gücləndirilmiş iş rejimində çalışacaq.

Abzas.net xəbər verir ki, bu barədə BNA-nın mətbuat xidməti məlumat verib.

Məlumata görə, Bakı Nəqliyyat Agentliyi bayram günlərində sərnişin axınına uyğun olaraq marşrutlar üzrə xətlərə buraxılan avtobusların intervalına əməl olunması, təhlükəsizlik qaydalarına riayət edilməsi, həmçinin sürücülərin müvafiq sərnişindaşıma və yol hərəkəti qaydalarına əməl etmələri barədə lazımi tədbirlərin görülməsi, o cümlədən avtobusların istehsalat bazalarından reysə çıxmalarının təmin edilməsi ilə bağlı daşıyıcılara göstəriş verib.

Bildirilir ki, bayram tədbirləri ilə əlaqədar müntəzəm marşrut xətləri üzrə avtobuslar 31 dekabr 2017-ci il, 1-2 yanvar 2018-cı il tarixlərində gecə saat 01:00-ə qədər xidmət göstərəcək.