Türkiyədə Konstitusiya dəyişikliyi barədə referendum aprel ayının əvvəllərində keçiriləcək.

APA-nın “Anadolu” agentliyinə istinadən verdiyi xəbərə görə, bunu baş nazir Binali Yıldırım deyib.

Ötən həftə parlament  tərəfindən qəbul edilən 18 dəyişiklikdən ibarət  paket ölkə prezidenti Rəcəb Tayıb Ərdoğan tərəfindən təsdiqlənməlidir. Referendum qanun “Rəsmi qəzet”də dərc olunduqdan 60 gün sonra ilk bazar gününə təsadüf  etməlidir.

Dəyişikliklərə əsasən Türkiyə parlament respublikasından prezident respublikasına çevrilir. Baş nazir postu ləğv olunur.