Mehman Hüseynov məhkəmədən sərbəst buraxılandan sonra bir neçə saat sosial şəbəkədə heç bir açıqlama yaymadıqdan sonra, axşam saatlarında fikirlərini açıqlayıb.

O, bildirib ki, azadlıqdadır, təslim olmayıb: "Susdura bilmədilər! Daha da möhkəm olmuşam! Heç bir təzyiq, heç bir həbs, heç bir cərimə məni haqq və getdiyim yoldan döndərə bilməz! Mən düz yoldayam, heç bir qeyri-qanuni işlə məşğul deyiləm, xalqın pullarını büdcədən oğurlamıram, xalqın pulları ilə özümə saraylar, bahalı maşınlar almıram!"

Buna da baxın: Mehman Hüseynov sərbəst buraxıldı – 200 manat cərimə

Hüseynov yazıb ki, başına gələnlərlə bağlı ətraflı fikirlərini bölüşəcək: "Bir daha deyirəm, əgər yuxardakılar hesab edirsə ölkədə baş verən məmur özbaşnalıqları, qanunsuzluqları, saxtakarlıqları çəkib göstərmək cinayətdirsə, bəli, boynuma alıram, bu ölkənin ən böyük cinayətkarı mənəm!"

Buna da baxın: Mehman Hüseynov oğurlanıb?

Bloqqer həmçinin, ona dəstək olanlara təşəkkürünü bildirib: "Bütün dəstək olan dostlara isə bir bir təşəkkürümü bildirirəm! Yaxşı ki varsız! Bağrıma basıram!"