Türkiyənin İzmir şəhərində Ədliyyə binasının qarşısında bomba partlayıb.

Anadolu agentliyi xəbər verir ki, İzmir Ədliyyə binasının qarşısında əvvəl partlayış baş verib daha sonra isə terroristlərlə hüquq-mühafizə orqanları arasında atışma başlayıb. Terroristlərdən 2-si öldürülsə də,  1-i qaçmağa nail olub.

Terror hadisəsi nəticəsində 1-i polis və ədliyyə işçisi həyatını itirib, 7 nəfər isə yaralanıb. Bölgədə geniş əməliyyat başladılıb.