Azərbaycanın şimal-qərb bölgəsində daha bir zəlzələ qeydə alınıb.

Azərbaycan Milli Elmlər Akademiyasının (AMEA) Respublika Seysmoloji Xidmət Mərkəzindən verilən məlumata görə, zəlzələ bu gün saat 01.29-da Zaqatala rayonundan 19 km şimal-qərbdə, Balakən ərazisində qeydə alınıb.

Zəlzələ Balakən ərazisində 4,1 bal, ətraf rayonlarda isə 2-3 bala qədər hiss olunub.

Fövqəladə Hallar Nazirliyinin (FHN) saytının verdiyi xəbərə görə, hər hansi bir dağıntı, fəsad baş verməyib. Zəlzələ zəif hiss olunub.