Dünən axşam polis tərəfindən saxlanan REAL üzvləri haqqında vəkil Elçin Sadıqov açıqlamalar verib:

"Toğrul İsmayılov və Elşən Qasımov dünən axşam saat 18.00 radələrində polis tərəfindən saxlanılıb. Onların Konstitusiya dəyişikliklərinə "YOX" deyək posterini yaydıqları üçün saxlanıldıqları bildirilib.

Onlar İnzibati Xətalar Məcəlləsinin 535.1-ci maddəsi ilə ittiham olunurlar. Polisə tabe olmamaq bəhanəsini də qeyd edirlər. Hər ikisi əvvəlcə axşam saatlarında 9-cu polis bölməsinə, səhər isə məhkəməyə gətiriliblər.

Toğrul İsmayılov barəsində 7 sutkalıq inzibati həbs qərarı seçilib. Elşən Qasımov barəsində işə isə məhkəmənin indiki dəqiqələrdə baxmasını gözləyirik".

Vəkil qeyd edib ki, Nəşriyyatın işçisi Hümbətov Bəhruz Etibar oğluna da 7 sutkalıq inzibati həbs cəzası verilib. Elçin Sadıqovun sözlərinə görə protokola qol çəkdirilən zaman polis tərəfindən saxlanılan REAL-çılara müəyyən təzyiqlər də olub.