Qarabağ Əlili Cəmil Məmmədov oktyabrın 6-da benzin tökərək özünü yandırıb.

O, hazırda 5 saylı xəstəxananın yanıq şöbəsindədir. Yaxınlarının sözlərinə görə, bədəninin 80 faizi yanıb. Həkimlər vəziyyətinin ağır olduğunu bildirib.

Anası Səlimə Məmmədova deyir ki, oğlunun maşınını cərimə meydançasına aparılıb.

[caption id="attachment_11495" align="alignnone" width="743"] Qarabağ Əlili Cəmil Məmmədov[/caption]

Cərimələrinin silinməsi üçün ondan yüksək məbləğdə rüşvət istəyiblər:

"Pul istəyiblər. Oğlum verə bilməyəcəyini deyəndən sonra təhqir ediblər. Özünü yandıranda heç kim köməyə gəlməyib".

Qeyd edək ki, Cəmil Məmmədov 2014-cü ildə - hərbi xidməti bitirməsinə 1 həftə qalmış Ermənistanla Azərbaycanın təmas xəttində gedən döyüşlər zamanı sağ ayağını itirib.

Ordudan tərxis edildikdən sonra dövlət tərəfindən ona avtomobil verilib. Anasının dediyinə görə onun başında da zədələnmə var.