Yolun bir tərəfində sərnişinlər müasir, kondisionerli avtobusla gedirlər, digər tərəfdə isə avtobusun qapı-pəncərəsini açıb nəfəs almağa çalışan sərnişinlər var. Bakının kəndlərinə doğru köhnə, soyutma sistemi olmayan avtobuslar hərəkət edir. Avtobusa minən kimi sərnişinlər yelpiklərini çıxarır. Sürücülər isə sərnişinlər üçün təhlükə yaratsa da, sərinləmək üçün avtobusun qapısını açıq qoyurlar.