Dekabrın 15-də ictimai fəal, İşçi Masası Həmkarlar İttifaqları Konfederasiyasının sədri Afiəddin Məmmədovun ev dustağlığına buraxılması ilə bağlı məhkəmə prosesi keçirilib.
Xətai Rayon Məhkəməsi ictimai fəalın şikayətini təmin etməyib. Xətai Rayon Məhkəməsi sentyabrın 21-də Afiəddin Məmmədov barəsində 2 aylıq həbs qətimkan tədbiri seçib.
Gənc fəala qarşı Cinayət Məcəlləsinin 221.3 (silah və ya silah qismində əşyadan istifadə etməklə xuliqanlıq) maddələrilə ittiham irəli sürülüb. O, ittihamları qəbul etmir, həbsinin ictimai fəaliyyəti ilə bağlı olduğunu bildirir.
