Mütəllim Orucov Şüvəlan İstintaq Təcridxanasında saxlanma şəraitindən şikayətlənib

Mütəllim Orucov Şüvəlan İstintaq Təcridxanasında saxlanma şəraitindən şikayətlənib
3 Avqust 2022

Almaniyadan readmissiya ilə Azərbaycana göndəriləndən sonra həbs olunan Mütəllim Orucov 3 saylı təcridxanasında saxlanma şəraitindən narazıdır. 

Bu barədə onun yaxınları məlumat verib. 

Onların sözlərinə görə, Mütəlllim Orucovun saxlandığı otaq səkkiz nəfərlik olsa da, orada on dörd nəfərlə saxlanılır. "Məhbuslar məcburiyyətdən növbə ilə yatırlar. Otaqda dustaqlar siqaret çəkir deyə çox tüstülü olur. Mütəllim bəyin isə sağlamlığında, konkrrt olaraq tənəffüs orqanlarında problem var deyə, vəziyyəti getdikcə pisləşir".

Məsələ ilə bağlı Penitensiar Xidmətindən münasibət öyrənmək mümkün olmayıb. 

Mütəllim Orucov ötən ilin iyunun 1-də Almaniyadan readmissiya (geri qaytarılma) edilib.

Oktyabrında onun barəsində həbs qətimkan tədbiri seçilib. 

M.Orucova qarşı Cinayət Məcəlləsinin 234.4.3-cü maddəsi (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) ilə ittiham irəli sürülüb.

(Turan)

Bənzər Xəbərlər

Yeniliklərdən xəbərdar olmaq üçün abunə olun